MUP North Area Conference Bawrhsap in a hmanpui

Mizoram Upa Pawl (MUP) Serchhip North Area chuan nimin khan New Serchhip YMA Hall-ah Conference vawi 2-na hmangin he hun hi Serchhip District Bawrhsap, Dr. Lalzirmawia Chhangte chuan khuallian niin a hmanpui a ni.

MUP Serchhip North Area Conference-ah hian Bawrhsap chuan Upa te chu Bible pawh in a dah pawimawh thu leh a chhung thuziak ah pawh upa te pawimawhna hmuh tur tam tak a awm thu sawiin, upa te chu tawnhriat atanga finna leh remhriatna a khat an nih thu a sawi a, ram changkang apiang in upa te chu ngaihhlut na-chang an hria in an dah pawimawh em em a ni, a ti a. Nuam taka an awm theihna tur Home te siam sakin hamthatna hrang hrang an dawn theih turte an siamsak thin thu a sawi bawk.

Bawrhsap chuan upa te chu Hnam rohlu an nih thu leh chu chu anmahni pawhin in hria se a duhthu a sawi a, khawtlang nundan mawi leh tha inzirtirna kawngah mi pawimawh tak an nih thu a sawi a. Upate chu rilru puthmang dik leh khawvel hlim taka hmang tura a duh thu sawiin, hnam rohlu, khawnvar leh zirtirtu pawimawh tak an ni tih chu pawm thiam tura a duh thu a sawi bawk.

MUP Serchhip North Area Conference hi an President, B. Zaruala chuan kaihruaiin he hun hmanpuitu dang MUP Serchhip District President, CL. Ramngai pawhin Pathian in upa te chu mi zahawm ti a a sawi thu sawiin, MUP chu pawl zahawm tak leh pawl inlungrual tak an nih thu a sawi bawk.

Nimin a MUP Serchhip North Area Conference-ah hian Secretary leh Fin. Secretary te hnen atanga report ngaihthlak niin kum kalta chhunga an Member boral mi 24 te sunna hun hman a ni a, chawhnu lamah intihsiakna neiin hun an hmang bawk a ni. MUP Serchhip North Area huamchhungah hian MUP Unit 5 awmin Member 773 an awm mek a, he Conference-ah hian member an tel tha hle a ni.