Sensitization Workshop on Sustainable Development Goals for Line Department neih a ni

Nimin khan Serchhip DC Conference Hall-ah Planning & Programme Implementation Department, Govt. of Mizoram bultumin Sensitization Workshop on Sustainable Development Goals for Line Department neih a ni a, he hun hi District Bawrhsap, Dr. Lalzirmawia Chhangte chuan a hmanpui a ni.
Nimin-a Sensitization Workshop on Sustainable Development Goals for Line Department -ah hian District Bawrhsap, Dr. Lalzirmawia Chhangte chuan Sustainable Development Goals chu hmasawnna kawng kan zawh meka min kaihruaitu atan a tul hle tih sawiin, hmasawna tluantling leh tlo nei tura kawng pawimawh tak a ni, a ti a. Ram thanglai leh hnufual zawkte tan hian hmasawnna hna thawh chu a pawimawh em em tih sawiin, chumi atan chuan sawrkar pawhin ruahmanna a siam nasat thu leh amaherawhchu hmasawnna hna kan thawhna avanga thildang, nghawng thalo a thlen thei em tih erawh kan ven thiam a tul thu a sawi a, hmasawnna hna kan thawh te chu kan chhawmnun reng theih tur, tlo leh ngelnghet a ni tur a ni, a ti bawk.
He hun kaihruaitu Sustainable Development Goal Mizoram-a Chief Consultant, Lalchhuanawma Hrahsel chuan Sustainable Development Goals tobul sawiin kan chenna khawvel hi hi tun aia tha zawka siam anih theih nan UNO in kum 2015 a din niin, kum 2030 thlenga kalpui tura ruahman a nih thu a sawi a. Khawvel pumah hma lak niin tum pawimawh tak tak 17 a nei a, chungte chuan target nei leh vekin, a vaiin target 169 a awm thu a sawi. SDG hi sawrkar-in amah maia a tih hlawhtlin theih a ni lova, State Level atanga thingtlang ber thlenga tanrualna atanga hlawhtling thei chauh tur anih thu sawiin, Vawiin ah pawh hian District chhunga an thawhpui tur sawrkar department hrang hrangte hnenah an hnathawh dan tur leh kalphung turte inhrilhhriatna hun buatsaih a nih thu a sawi bawk.
  Sustainable Development Goals (SDG) hian sawrkar department, a thawhpui leh behchhan tur 25 a nei a, chung zinga Serchhip District chhunga awm department hotu leh aiawhte he hunah hian an tel tha hle a, C. Lalnunmawia, Consultant, SDG chuan 'Concept and overview of SDG in Mizoram and localization of SDGs' tih thupui chu a lem nena entirin a sawi a, C. Vanlalzawna, Consultant, SDG pawhin 'SDGs Indicator : National, State Indicator and District Indicators & Way Forward' tih thupuia hmangin a lem nen entirin a sawi bawk a ni.

Comments

Chhiar Hlawhte