Kum 2018-2020 chhungin dan lova lut mi 330 man an ni

Home Minister, Lalchamliana'n kum 2018-2020 chhungin ramdangmi dan lova Mizorama lut mi 330 man an nih thu a sawi a, Ramdangmi man te zinga 274 te chu thawnlet an ni a, a dang zawng chu dan hmanga an chungthu rel sak turin khuahkhirh an nih thu a sawi a, ramdangmi man te hi Nepali, Rohinggya raltlan leh Bangladesh mite an nih thu a sawi.
Assembly Session neih mekah nimin khan Serchhip bialtu MLA, Lalduhoma zawhna chhangin Home Minister, Lalchamliana chuan, ramdang mi dapchhuaka thawnlet tura Home Ministry atanga lehkha an dawn bawhzuiin ramri dep a awm District pathum Lunglei, Lawngtlai leh Mamit-ah Special Task Force Committee For Detection, Detention and Deportation of Illegal Bangladeshi Migrants din a ni a, heng Task Force te pui tur hian Divisional Level Special Task Force din a ni bawk tih a sawi a, District dangah erawh chuan District tin Police te kutah dah a nih thu a sawi.
Ramdangmi man leh hnawhchhuah chung-changah sawrkar laipui atanga lehkha an dawn bawhzuiin a kaihhnawih Departement te hnenah lehkha pek vek an nih thu a sawi a, Mizoram luhka hrang hrangah bawhzuia hma la chhun-zawm tura a hriattir nghal an nih thu sawiin, tun dinhmunah Foreigner Tribunal din tumna a awm rih lo tih a sawi bawk.

Comments

Chhiar Hlawhte