Monthly Girl Child Day denchhenin Hmeichhe nau piang te damdawi In-ah en

Serchhip District Task Force on Beti Bachao Beti Padhao (BBBP) in thla tin ni 5-na chu Fanute Ni, Monthly Girl Child Day atana alo puan tawh denchhenin nimin khan Serchhip damdawi In-a hmeichhe naute piang thar te chu en an ni.
Serchhip District Task Force on Beti Bachao Beti Padhao (BBBP) hian thla tin ni 5-na chu Fanute Ni, Monthly Girl Child Day atan hian puang tawhin hemi ang hian thla tin ni 5-na a Serchhip damdawi In-a hmeichhe naute piang thar chu tlawhin en \hin a ni a, hemi ang hian nimin pawh khan Serchhip District Hospital-a fanu thar pali awm mek te chu BBBP thawktute chuan en lehin Fanu thar en te hi Emily Lalmuanpuii D/o Zomuanpuii, Khawlailung; Loisy Lalhriatrengi D/o Grace Lalchhandami, Biate; Lalhmangaihzuali D/o Lalremzuali, New Serchhip leh Josephine B. Lalhlimpuii D/o Zionparmawii, New Serchhip te an ni a, heng fanu thar pali te hi Wipes package, New Born Baby suit leh pawisa fai Rs. 1000/- \heuh pek an ni a, BBBP District Task Force aiawhin K. Saitluanga, MIS leh V. Lalruatsangi, Women Welfare Officer bakah VL Remruatpuii, District Coordinator, Mahila Shakti Kendra (District Women Centre) a thawktute an kal a ni.
Fanu thar te chu venghim la, zir tir rawh tih thupui hmanga sawrkar laipuiin hma a lakna Beti Bachao Beti Padhao hnuaiah Serchhip District-ah hian hnathawh mek a ni a, fanu thar leh hmeichhe naupangte venhim leh lehkha an zir chhuah ngei theihna tura mipuite inhrilhhriatna kawng hrang hrangin kalpui mek a ni. Chumi peng pakhatah chuan thla tin ni 5-na apiang hi Girl Child Day ah puangin he ni-ah hian Serchhip District Hospital-ah fanu thar (nau nai thar) awm mek an lo awm a nih chuan thilpek te pein lawmpuina leh enna neih \hin a ni. Nimin a fanu thar ena kal te hi Ser-chhip District Medical Superintendent, Dr. ZD. Lalmuan-awma leh thawktu dang ten an \awiawm bawk a ni.

Comments

Chhiar Hlawhte