AH&Vety Minister in hawng

AH&Vety Minister, Dr. K. Beichhua chuan nimin khan Khatla-a Mizoram State Veterinary Council (MSVC) Conference Hall a hawng.

Conference Hall hawnna inkhawmah Dr. K. Beichhua chuan MSVC chak taka a kal zel theih nan duhsakna a hlan a, Council chakna chu AH & Vety Department chakna a ni tih sawiin, Veterinary Doctor ten Mizoram chhungah ngei registration an ti thei ta chu lawmawm a tih thu leh ropui a tih thu a sawi a, Veterinary Doctor profession kalphung nghet taka kengkawh tlat tura a beisei thu a sawi bawk. MSVC Conference Hall hi Khatla-a State Vety Council building chung ah sak zawm a ni a, cheng nuai 21 senga sak a ni. State Veterinary Council hi kum 1986-ah din niin, tunah hian AH& Veterinary Directorate bulah builidng neiin Office Staff panga (5) an nei mek a ni.