Aizawl kum 130-na lawm

Nimin February ni 25, 2020 (Thawhlehni) kha Mizoram khawpui, Aizawl dinchampha vawi 130-na, Aizawl Day a ni a. He ni hi Aizawl-a inbengbel hmasa, Aizawl Mihlun Thlah te chuan uar takin an hmang.
Aizawl Day pual hian Aizawl Mihlun Thlahte chuan Aizawl mipuite leh Zoram mipuite duhsakna chibai bukin chawhma lamah Raj Bhawan-a Aizawl Centennial Monument tihfai hnatlang an nei a. Chhun-ah he ni pual inkhawm hi Aijal Club-ah an hmang a, an pawl Vice Chairman, K. Liantlinga Ex-MLA chuan a kaihruai a, Aizawl lo pian leh chhoh dan an zirho a, Aizawl chanchin hmasa hre pha ten thu an sawi. Aizawl Mihlun Thlah te hian pawl anga an din atangin vantlang tana thil tha tihna hrang hrang ah an thawkchhuak thin a, Krismas a lo thlenin luan-chhuahna an lo nei thin a, kumtin in an pawl inhmuh-khawmna lian, High Council chu July thla ah neiin ro an rel thin a, tunah hian member 400 an awm mek a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn