Chief Minister in kawm

Chief Minister, Zoramthanga chuan nimin zing khan Railway Board Chairman, Vinod Kumar Yadav chu nimin zing khan a Pisa-ah hmu in Bairabi-Sairang New Line Project hnuaia hnathawh dinhmun a sawipui.
Bairabi leh Sairang inkar Rel kawng hi KM 51.38-a thui niin, lei verh (underground tunnel) 32 leh leitan (cut and cover tunnel) 16 (KM 2.674) awmin, Lei 184 (major bridge 55 leh minor bridge 87) a awm dawn a. Station pali - Hortoki, Kawnpui, Mualkhang leh Sairang ah te awm tur a ni a. A project hi kum 2008-09 khan cheng vbc. 5021.45 (revised estimate telin) sanction a ni a, kumin January thla thleng khan cheng vbc. 3265.03 hman tawh a ni. Leiverh zawng zawng hi belhkhawmin a vaiin KM 12.639-a thui tur a ni a, a laih hna 88% zawh tawh niin Tunnel lining hnathawh chu 75% zawh a ni bawk. Northeast Frontier Railway hnuaia Bairabi leh Sairang rel kawng siam mek hi December 2022 a hman theih tura ruahman a ni.

Comments

Chhiar Hlawhte