Serchhip-ah Heroin man

Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nizan hmasa khan Serchhip-ah Heroin manin hemi an chhuizuina ah nimin khan Heroin hi an man belh leh.
Thudawn danin Serchhip Sub-Hqrs. YMA Anti-Drug Squad leh Ser-chhip Police te chuan January 31, 2020 zing khan Serchhip Bazar-a Jamela Hotel-a thleng, Isaac Laldinpuia (30) s/o Vanlalringa, Champhai Venglai nia insawi hnen atangin Heroin an man a, hemi tum hian Isaac Laldinpuia hi Bail-a chhuah niin tun thla ni 14 khan Serchhip District Court-a inlan tura tih a ni a. Court-a inlan tur hian Isaac Laldinpuia hi tun thla ni 11 khan rawn kalin dam-dawi te hi a rawn keng leh nia hriat a ni a, hei hi Sub-Hqrs. YMA Anti-Drug Squad leh Excise & Narcotics Department hotute chuan chhui zui nghal niin nizan hmasa khan Heroin Cane 2 chu man sak leh a ni a, hemi hnu nimin khan Tarpi tlang-a Heroin a dahthat Cane 8 chu man sak a ni leh ta a ni.
Isaac Laldinpuia chuan tun tuma a rawn kal hian Heroin Hawng 2 leh a chanve a rawn keng tih sawiin, a thianpa in a lachhuak thin tih a sawi a. Hawng khat-ah hian Cane 25 vel zel siam theih a nih thu pawh sawiin, tun tuma a rawn ken te hi a hrlh zo deuh vek tawh niin a sawi bawk.

Comments

Chhiar Hlawhte