Minister in Corona-virus Screening Point tlawh

/
Health Minister, Dr. R. Lalthangliana chuan nimin khan Kawrpuichhuah tlawhin ‘Corona-virus Screening Point’ a hmalakna a enfiah.
Tunlaia China leh khawvel ram dangte ngaihven hlawh tak Novel Coronavirus (2019-nCoV) natna leng mek laka lo invenlawkna turin India leh Bangladesh ramri depa awm, Kawrpuichhuah Lunglei District-ah niminpiah atang khan Mizoram sawrkar chuan Medical Team duty tur a dah a, ramri kaltlanga veivak leh khualzinte endik hna an kalpui tan niin a ni khatna ah hian mi sawmpariat (18) screen niin tun dinhmunah Coronavirus vei la hmuhchhuah an ni lo. Nimin a helai hmun tlawhtu Health Minister hi Kawrpuichhuah-a 60 Bn. BSF hotu Assistant Commandant, SK. Pareek nen inkawmin Coronavirus Screening kalpui mek chu an theihtawpa lo tawiawm tur leh hma la turin a chah a. 60th Bn. BSF hnuaia Male Nurse ten Coronavirus Screening kalpui mek hi an tawiawm tur thu SK. Pareek chuan Health Minister hi a hrilh a ni.
Hemi hmalam hian Health Minister hian Tlabung Sub-Division Hospital leh Lungsen Primary Health Centre-te tlawhin thawktute nen inkawmhona hun hmangin hmalak dan tur an sawiho bawk a, Minister hnenah hian an harsatna leh mamawh heng – building sak that, Ambulance leh lirthei mamawhna, Techinician leh nurse indaihloh chungchangte an lo thlen a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »