Serchhip-I VC Futsal Team te Aizawl panin an chhuak

/
Mizoram Football Association (MFA) in a buatsaih, Lalmalsawma Memorial MFA Inter Village Futsal Tournament 2020 khelh meka Serchhip atanga tel awmchhun, Serchhip-I VC Team te chuan nimin khan Aizawl panin naktuk ah an match hmasa ber an khel ang.
Tunkar Thawh-tanni atanga Malsawma's Yard, Durtlang Leitan-a khelh Lalmalsawma Memorial MFA Inter Village Futsal Tournament-ah hian Veng/khua hrang hrang atangin Team 128 lai an tel thei a, team telte hi Group 8 (A-H) ah then an ni a, Group tinah Team 16 theuh an awm a. Ser-chhip khawpui chhung atang hian Serchhip-I VC Team chiah hi tel awmin nimin khan Aizawl panin Serchhip an chhuahsan a. Serchhip-I VC Team te hian naktuk chawhnu dar 2:30 hian an match hmasa berah Ramhlun Sports Complex chu an hmachhawn nghal dawn a ni.
Lalmalsawma Memorial MFA Inter Village Futsal Tournament-ah hian First Round hi February ni 17-22, 2020 chhungin khelh tur a ni a, Second Round hi February ni 24-26, 2020 chhungin khelh leh a ni anga, February ni 27 atangin March 1 hi chawlh a ni ang. Round of 32 hi March ni 3-4-ah khelh a ni ang a, Round of 16 intum tur hi pawh that tur anih avangin Round of 16 atanga Final Fixture hi in hriattir thar leh tur a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »