RBI's Financial Literacy Week hman tan a ni

Bank Services leh Facilities hrang hrang te a chhawr tangkai thei tur ten an chhawr theihna tura inzirtirna Hapta, ‘RBI's Financial Literacy Week (FLW)’ chu nimin khan RB McCabe Hall, Aijal Club-ah Chief Secretary, Lalnunmawia Chuaungo chuan a hawng.
Financial Literacy Week hawnna hunah hian Chief Secretary chuan kumin a he Hapta thupui, 'Micro, Small and Medium Enterprises (MSMEs)' chu Mizoram tan bik a pawimawh takzet tih a sawi a. Industry lianpui pui te chu eizawnna hnasiam kawngah thawh hlawk ber an ni ngai lo tih sawiin, MSME te anga sumdawnna te zawk leh a laihawlte hi eizawnna tamtak siamtu an ni ziah zawk tih a sawi bawk.
He hunah hian RBI's FLW sawihawng tu, Mary L. Deng, General Manager & Officer -in-Charge, RBI Aizawl chuan MSMEs te pawi-mawhna hre nawn thar leh turin Banker kal-khawmte chu a chah a. MSMEs hian Manufacturing Sector a thawhchhuah zawng zawnga 45% lawih a hauh a, mihring vbc. 11 tan eizawnna a siam a, India GDP-ah 28% a thawh a, Agriculture Sector thawhchhuah tih lohah chuan ram economy atana thawh hlawk ber a ni, a ti. MSMEs pawimawhna leh hemi huanga mi tamzawk ten eizawnna an tan theihna turin RBI leh a hnuaia Bank te chuan ngawrh zawkin Financial Literacy Campaign an kalpui chho dawn a ni, a ti bawk.

Comments

Chhiar Hlawhte