Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

L&L Football Quarter Final khelh tan a ni

Serchhip District Football Association buatsaih L&L Football Tournament khelh mekah nimin khan Quarter Final khelh tan niin Vengchung FC leh New Serchhip FC ten an khingpui hnehin Semi Final an lut.

DC Playground, Khawtetlang-a L&L Football Tournament khelh mekah hian nimin khan Quarter Final hi khelh tan niin Quarter Final inkhel hmasa berah Vengchung FC chuan Hmar Veng FC chu penalty shoot-out ah hnehin Semi Final an lut a, he inkhel ah hian Team pahnih te hi hun pangngai ah goal hnih ve ve inpe-a inhnehtawkin chak zawk an awm loh avangin penalty shoot-out hmanga chak zawk zawn niin hetah hian Vengchung FC hian 4-3 in hnehna an chang ta a ni.
New Serchhip FC chuan Bungtlang Chhim Veng FC chu 9-2 a sawpin Semi Final an lut bawk a, New Serchhip FC tan H. Vanlalremruata leh Johny Lalremruata te chuan goal thum ve ve khungin Lalhlimawma, Lalenkawla leh Lalthuthlunga te chuan goal khat theuh an khung bawk a, Bungtlang Chhim Veng FC tan ZD. Ngurnunmawia leh Malsawmtluanga Tochhawng te chuan goal khat ve ve an khung bawk a ni.

Comments

Chhiar Hlawhte