Vawiin ah Assembly Budget Session neih tan a ni dawn

Mizoram Legislative Assembly Budget Session chu Vawiin hian neih tan a ni dawn ta.

Kumin 2020-a Mizoram sawrkar in hma a lakna tur atana Department hrang hrang te inrelbawlna tur sum ruahmanna, Budget session neih tur atan hian Assembly Secretariat lam chu an inpeih tawh a, Session atan hian zawhna House chhunga tawngka a chhan chi, Starred Question 432 lutin, Session chhunga ziaka zawhna chhanna inpek tur Unstarred Question 239 a lut tawh bawk. Hei bakah hian Private Resolution 57 awmin, House a pharh tur, Paper 2 bakah Government Bill 1 a awm dawn bawk a ni.

Ruahman lawk ang chuan March 4 thleng awh tur Mizoram Legislative Assembly Budget Session Vawiin-a tan turah hian thutkhawm tan Ni hian Larsap in House-ah thu sawiin a thu sawi chungchanga lawmthu sawina Motion chu putuh nghal a ni anga, he Motion hi naktuk ah sawiho a pawm tum a ni ang. February ni 19 (Nilaini)-ah Finance changtu Chief Minister, Zo-ramthanga’n sawrkar kumthar lo thleng tura Mizoram Budget tur leh kum kallai a sum indaih-lohna phuhrukna tur dil belhna, Supplementary Demands for Grants chu a pharh ang.

February ni 24 leh 25 khian a tlangpui a Budget sawiho a ni ang a, ni 26 atangin Minister-te Department enkawlna tur sum a tahtawla sawiho a pawm chhoh zel tur a ni anga, March ni 3-ah zo in March ni 4-ah zawhfel a ni ang.