Thuthang diklo tih sawi

/
Serchhip District Medical Superintendent, Dr. ZD. Lalmuanawma chuan Serchhip District Hospital-ah Coronavirus vei hmuhchhuah awm anga thuthang chu thu diklo a nih thu a sawi.
Hemi chungchanga thuchhuah a siamah Serchhip District Medical Superintendent chuan tunhnaia Social Media thenkhata Serchhip District Hospital atangin Coronavirus vei an hmuh-chhuah thu leh hei hi tun thlaa Serchhip-a Para-Gliding intihsiakna a tel tur Chinese Pilot te atanga hmuhchhuah anga thu thang chu thu diklo a nih thu a tarlang a. Serchhip District Hospital-ah hetiang lam hawi thil thleng engmah a awm loh thu leh International Paragliding Accuracy Championship 2020 atan hian Foreign Pilot tumah in Ser-chhip an la thlenloh thu a sawi a, hetiang a mipuite ti ralkhel leh tichiai thei zawng a thu post darh tawhlo turin Mizo mipuite chu a ngen nghal bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »