Kum 2019-2020 chhungin Restricted Tender 29 ko

Kum 2019-20 chhungin PWD chuan Restricted Tender 29 an ko nia sawi a ni.
Nimin a Assembly Budget Session zawhna leh chhanna hunah ZPM Member, Vanlalhlana chuan kum 2019-20 chhungin PWD in Restricted Tender 29 an koh tawh thu hi sawiin, duhsak zawng hna pekna atan an tih leh tih loh a zawh bakah, “Restricted Tender-in min pe la... tih application chu kan Chief Minister-in tha takina recommend a ni,” a ti a. Hemi chungchang hi chhangin PWD changtu Chief Minister, Zoramthanga chuan a recommend chu order a nih loh thu sawiin, “Mi kan recommend nasa lutuk, mi an lokal a, recommend duh loh chi a ni si lo. Recommend a awm thur a, an vaia pek sen chi pawh a ni lo,” a ti a, Restricted Tender chu Department-in mumal taka dilna an siam hnuah a tul a nih chuan koh a nih thin chauh thu a sawi bawk.
Tender pangngai koh a buaithlakna chin a awm thin thu pawh sawiin Chief Minister chuan, “A chhang hniam ber pek a ngai si a, chutianga pek chuan hna a chhe dawn lutuk. PMGSY-ah phei chuan hna pekin an thawk thei si lova, Black list an tam lutuk. Hna hmanhmawh leh mamawhna avangin Restricted Tender chhuah a ni thin," a ti bawk.

Comments

Chhiar Hlawhte