L&L Football-ah Quarter Final khelh tan a ni dawn

Zonuna Kawlni /
Serchhip-a L&L Football Tournament khelh mekah nimin khan Group Match khelh zawh niin Vawiin atangin Quarter Final khelh a ni ang.
Serchhip District Football Association (SDFA) buatsaih DC Playground, Khawte-tlang-a L&L Football Tournament khelh mekah hian niminpiah khan Group A leh B ten an Group Match khel zo in Group A-ah Vengchung FC chuan point 6 leh New Serchhip FC in point 3 hmuin Quarter Final an lut a, an Group atang hian Hmunzawl FC chu an tla thung a. Group B-ah Bungtlang Chhim Veng in point 7 hmuin Hmar Veng FC in point 6 hmuin an pahnih hian Quarter Final lutin P&E Veng FC leh Bungpui FC, Hriangtlang te an tla bawk.
Nimin khan Group C leh D ten an Group Match khel zo ve lehin Group C-ah AWC FC in point 9 hmuin Thenzawl Dinthar FC in point 4 an hmu a, an pahnih hian Quarter Final lutin Chanmari FC leh Leisekawt FC te an tla thung a. Group D-ah Chhekhnai FC leh FC Serchhip Kawnpui ten Quarter Final lutin New Serchhip North FC an tla bawk a ni.
Vawiin atangin Quarter Final hi khelh a ni dawn a, chawhma dar 10:00-ah inkhel tanin Vengchung FC leh Hmar Veng FC an inhma-chhawn anga, hemi hnu hian Bungtlang Chhim Veng FC leh New Serchhip FC an inhmachhawn bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »