District Bawrhsap hovin Serchhip-ah District Review Meeting neih a ni

Nimin khan Serchhip DC Meeting Hall-ah District Review Meeting neih a ni a, he hunah hian Head of Offices ten an Department enkawl hmalakna tlangpuite a lem nen entirin an sawifiah a ni.

Nimin-a Review Meeting-ah hian District Bawrhsap, Dr. Lalzirmawia Chhangte IAS chuan Department hrang hrangten an hnathawh leh hmalakna an inhriatpawh tawna, thawhhona tha leh inpawhna tha tak kan neih tul a tih thu a sawi a. Serchhip District chu a awmna hmun avang te, a chhunga cheng mipuite an hlang that avang te leh te lutuk lo, lian lutuk silo a nih avang te in hmasawnna kawng tinrengah a ber hauh theihna remchang a ngah nia a hriat thu a sawi a, tunhnai mai ah pawh PMMVY hmalaknaa titha ber lawm-man Delhi-ah a zu dawng hial tih sawiin, a lawmawm hle a ni, a ti a. He remchang hi tangkai taka hman tum turin Head of Offices te a ngen a ni.

He hunah hian Dr. C. Zarzokima, DVO; B. Ngurchhuana, Asst. Commissioner of Excise & Narcotics; K. Saitluanga, DIPRO; Elizabeth Lalremthangi, Functional Manager, Industries; H. Dolianbuaia, PD, DRDA; Er. Laltlanthanga, EE, P&E; Er. F. Lalsanglura, Sr. EE, PHE; C. Lalthlamuani, Sr. EE, PWD; Dr. Laldawngliana Sailo, CMO; Dr. ZD Lalmuanawma, DMS; Vanthangpuii, DUDO; Margareth Vanlalzami, DHO; K. Laltlanmawia, SDAO; Zonuntluangi, DFDO; Lalsiampuii Tochhawng, DCPO; Lalmuanpuii, Lecturer, DIET; Margaret Lalramchhani, DFO, Thenzawl; Jenny Sailo, DFO, North Vanlaiphai; Vanlalchhana, SDEO leh PC. Laltanpuia, Addl. SP ten an hmalakna hrang hrang te presentation an pe a. Nimin-a pe ve hman lo te hi hun remchang siam leh tum an ni.

Nimin-a District Review Meeting-a presentation te hi I&PR Department, Serchhip chuan video in an cover sak a, hei hi SEDP Multimedia Campaign kalpui mekah hmanrua a hman zui tur a ni anga, District chhunga Cable TV hrang hrangah te tihchhuah zui tur a ni ang. Nimin a he hun hmanna ah hian Serchhip District Bawrhsap bakah sawrkar Department hrang hrang hotute an tel tha hle a ni.