BJP sawrkar in mipuite a rawk - MPYCC

Mizoram Pradesh Youth Congress Committee (MPYCC) chuan BJP Sawrkarin Eirawngbawlna Gas hmangin mipuite a rawk niin an sawi.
Nimin-a thuchhuah an siamah MPYCC chuan tunhnaiah eirawng-bawlna Gas (LPG) man chu BJP Sawrkar chuan nasa taka a rate tisangin, kum 6 chhunga tum khata a san nasat ber tum niin, India ram khawpui lian; Delhi, Mumbai, Kolkatta leh Chennai-ah te Gas bur khat Rs. 144 chuang vekin a sang a. Mizoram-ah phei chuan Rs. 150 in a sang hial tih an tarlang a. Uchuak taka Gas man tihto hian India ramchhung hmun tin nghawngin mipui mak tih a hlawh hle nia tarlangin, Mirethei harsa zawk, Gas lakna tur sumlu neilo te nasa takin phurrit a siam tih an sawi a, “BJP sawrkar hian ram sum leh pai dinhmun tlakchhiat avanga hetia uchuak taka Gas man a tisang ta mai hi Congress |halai chuan hriatthiam har a ti hle a ni,” an ti. Hei bakah hian MPYCC chuan Mizo mipui tam ber duhdan hnawla BJP sawrkar tlawn thin MNF sawrkar kan nei chu lungchhiat-thlak an tih thu tarlangin, tha lo tih zawng leh duh loh zawng pawh au chhuahpui ngam lova, an duh duh dana control theiha awm lo tur leh hlauh nei lova duh loh zawng hnawl ngam a, mipui duhdan dah lal ber thin turin MNF party an phut thu an sawi bawk.

Comments

Chhiar Hlawhte