L&L Football-ah New Serchhip FC an champion

/
Serchhip District Football Association (SDFA) buatsaih, L&L Football Tournament chu nimin khan khelh zawh niin New Serchhip FC chuan FC Serchhip Kawnpui chu hnehin an champion.
Lalsawmliani & Lal Thanchunga Memorial Football Tournament hi nimin khan Serchhip Sports Complex-ah Final khela zawhfel a ni a, Final-ah hian New Serchhip FC leh FC Serchhip Kawnpui te inhmachhawnin New Serchhip FC te hi si hnih faiin an chak a, he inkhel ah hian minute 21-na ah New Serchhip FC tan Felix Lalruatsanga chuan goal hmahruai khungin Second half minute 77-na ah Vanlalhruaizela chuan New Serchhip FC goal hnihna hi a khung a, FC Serchhip Kawnpui hian goal an khung ve thei ta lo thung a ni.
He Tournament-a champion New Ser-chhip FC hian Trophy leh Rs. 80,000/- dawngin pahnihna hian Trophy leh Rs. 40,000/- an dawng a, goal 11 khungtu F. Lalnuntluanga, AWC FC chu Top Scorer niin H. Vanlalremruata, New Serchhip FC chu Best Player atan thlan a ni a, lawmman ah Rs. 1000/- ve ve dawngin New Serchhip FC hian Fair Play lawmman dawngin Rs. 3000/- hlan an ni a, Semi Final-a chaklo Team pahnih ten Rs. 3500/- ve ve an dawng bawk a ni.
Lalsawmliani & Lal Thanchunga Memorial Football Tournament hi Serchhip bialtu MLA hlui, Lal Thanhawla te chhungkua in an nu leh an unaupa boralta hriatrengna atana an ruahman sak niin kumin hi a tawpna tur a ni mai thei nia thudawn a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »