Kumin ah zirna tan hman tum

Mizoram University Southern Campus, Lunglei-a din turah kumin 2020-21 chhungin zirna tan hman tum a ni tih Higher and Technical Education changtu Minister Dr. R. Lalthangliana chuan a sawi.
Mizoram Legislative Assembly thutkhawm neih mekah nimin khan rorellai member, Zothantluanga zawhna chhangin H&TE Minister, Dr. R. Lalthangliana chuan Mizoram University Southern Campus hmun tur hian Pukpui-in ram an pek theih beisei a nih thu te, ram pek tur hi ram ruak, tumahin zangnadawmna an phut lohna tur a nih a tul thu te a sawi a, a hmun nghet tur tihfel anih hma pawhin Mizoram Engineering College hmun tura sak chu luah lailawk tum a ni a, a panna kawng siam a la ngai a, Tui leh Electrict te pek luh a la ngai bawk a, hemi atana sum mammawh te sawrkarin a bawhzui mek tih a sawi a. MZU Northern Campus, Eastern Campus leh Western Campus hawn ve theih hun tur a sawi theih rihloh thu a sawi bawk.

Comments

Chhiar Hlawhte