Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Sava leh ramsa kah khap

Serchhip District Magistrate, Dr. Lalzir-mawia Chhangte chuan Sava leh ramsa te veh-a tihhlum chu Dan in a khap a nih thu sawiin, hemi zawm lo te chungah Dan anga Action lak a nih tur thu a sawi.
Hemi chungchanga thuchhuah a siamah District Magistrate chuan tunlaiin Serchhip District chhungah Sava leh Ramsa te veh-a kah ching an awm tih hriat a ni tih tarlangin, The Indian wildlife ( Protection) Act, 1972 (Amendment upto 1993) Section 9 chuan hetianga Sava leh Ramsa-te veh-a tihhlum hi a khap tlat tih a tarlang a. Chuvangin Serchhip District chhungah Sava leh Ramsa te veh-a tihhlum phal loh a ni tih in hriattir thar leh a nih thu sawiin, thupek awih lo leh tilui man an awm chuan thuneituten an chungah action lak a ni ang tih a tarlang a. Khawtlang hruaitu leh Tlawmngai pawl te chu thawhpuiah a sawm bawk.

Comments

Chhiar Hlawhte