Inkhawmpui tiak ta

UPC Bial inkhawmpui tiak

 UPC (NEI) chuan nimin Pathianni hmang khan Pastor Bial Inkhawmpui hmun hrang hrang ah neiin Serchhip Pastor Bial inkhawmpui vawi 54-na pawh Chanmari UPC Biak In-ah neih a ni a, thupui atan ‘Chanchin tha hril rawh u’ tih hmangin Speaker atan Evan. PC. Lalrokima, Treasurer, General Mission Department chu hman a ni a, UPC (NEI) Serchhip Pastor Bial-ah hian Tualchhung Kohhran 7 awmin Kohhran chhungkua 317 an awm mek a, Kohhran Member mipa 669 leh hmeichhia 725, an vaiin 1394 an awm mek a ni. UPC (NEI) Serchhip Dinthar Bial inkhawmpui vawi 19-na pawh Serchhip Dinthar UPC Biak In-ah neiin Inrinni khan Palai ten rorelna neiin hun an hmang bawk. Serchhip Dinthar Bial UPC-ah hian Tualchhung Kohhran 7 awmin heng zinga 4 te hi Serchhip khawpui pawnlam ami te an ni.

Kohhran Hmeichhe khawmpui

Presbyterian Kohhran hnuaia Kohhran Hmei-chhia te chuan Zirtawpni zan atanga nimin Pathianni thleng khan Pastor Bial Inkhawmpui an nei a, Serchhip Pastor Bial Kohhran Hmei-chhe inkhawmpui 72-na chu Serchhip Kawnpui Kohhran-ah neiin Serchhip Vengchung Pastor Bial inkhawmpui 17-na chu Vengchung Koh-hran-ah neih a ni a, New Serchhip Pastor Bial Kohhran Hmeichhe inkhawmpui vawi 28-na pawh Bukpui Kohhran-ah neih niin Inrinni khan chawhma lamah rorelna neiin kumin a Jubilee an lawm pahnih hawnna neih nghal a ni bawk.