Coronavirus lakah Mizoram a la him zel

Mizoram pawn atanga Mizoram-a lokir, a hritlan avanga Zoram Medical College damdawi In-a enkawl chu a thisen leh a behbawm endik a nih hnu-ah Coronavirus a vei lo tih hmuhchhuah a ni a, Mizoram-ah he natna vei hi an la awm lo.
Integrated Disease Surveillance Program (IDSP)-a State Nodal Officer, Dr. Pachuau Lalmalsawma a sawi danin Zoram Medical College-a enkawl he hmeichhe sample te hi Kolkata a National Institute of Cholera and Enteric Diseases (NICED) Laboratory-ah thawnin an lo endik a. Laboratory a mithiamte chuan Coronavirus hrik a pai lo tih an rawn hriattir a. Tun thleng hian China ram atanga zirlai 7 lokir leh Macau atanga lokir pakhat chu Mizoram an rawn thlen hnu-ah an chenna In-ah fimkhur thu hlaah khung an ni a. Damlohna an nei hranpa lo chungin fimkhur thilah an dah hrang niin IDSP Nodal Officer chuan a sawi a, an sample endik chinah Coronavirus an vei lo tih finfiah zel a ni.

Comments

Chhiar Hlawhte