Administrative Reforms Committee Report thehlut

Mizoram Sawrkarin a din, Administrative Reforms Committee (ARC) chuan nimin khan Mizoram House-te leh Mizoram Secretariat Office-a File kal dan an zirchianna, 'Report Volume 1 Mizoram Houses & Streamlining of File Movement in Mizoram Secretariat' tih chu Chief Minister, Zoramthanga hnenah an thehlut.
He Report-ah hian India ram khawpui hrang hrang New Delhi, Kolkata, Guwahati, Shillong, Silchar, Mumbai, Bengaluru leh Vellore-a Mizoram Sawrkarin Mizoram House a neihte zirchian a ni a. Mumbai, Bengaluru leh Vellore tih loh chu a hmunah kalin an en vek a, rawtna hrang hrang siamin, Vellore Mizoram House erawh Mizoram Presbyterian Church (Synod) kutah Mizoram Sawrkarin a enkawl hna a dah avangin rawtna (Recommendation) an nei lo thung.
Hmun hrang hranga Mizoram House ah te hian ARC hian House a hnathawk (Manpower) te, Post \henkhat outsource theih tur ngaihtuah te, Administration te, Khum leh mikhual thlen dan te, a building-te bakah Kitchen enkawl dan thlengin an zir a. Tun aia mumal zawka an kal theih dan tur leh Sawrkar tan pawha zang-khai zawka kal dan bakah tihchangtlun dan tur thlengin rawtna an siam a ni. Hei bakah hian ARC hian Mizoram Secretariat chhunga File kal dan an zirchiang bawk a. Tuna File kal mek dan hi mipuite tan leh sawrkar tan pawh hun khawhralna tam tak awm nia an hriat avangin awlsam zawk leh Sawrkar tana him tur siin tawi zawka File kaldan tur rawtna an siam bawk.
Mizoram Sawrkar chuan May 9, 2019 khan Notification tichhuakin Administrative Reforms Committee (ARC) hi a din a, Chairman-ah Lalngheta Sailo IPS (Rtd) leh Secretary-ah Lalrinsanga, Jt. Secretary DP&AR (GSW) dahin Member-ah mi 3, Mizoram Sawrkar hnuaia Secretary post 10 chelh tawh chin dah an ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia