Serchhip District-a Bank te hmalak dan thlirlet a ni

Nimin khan Serchhip-ah District Consultative Committee (DCC)/District Level Review Committee (DLRC) & District Level Security (DLSC) Meeting chu District Bawrhsap, Sangchhin Chinzah hovin neih a ni a, Serchhip District chhunga Bank hrang hrangte hmalak dan thlirho a ni.
Serchhip DC Meeting Room-a District Consultative Committee (DCC)/District Level Review Committee (DLRC) & District Level Security (DLSC) Meeting-ah hian kum 2019-20 Financial Year 1st Quarter (April, May & June, 2019) chhunga Serchhip District chhunga Bank awmte loan pek dan thlirletna neih a nih bakah kum 2019-20 Financial Year chhunga sawrkar Scheme hrang hrang leh a pumpui atana Bank Loan pek tura ruahman pekchhuah a nih theih dan tur te sawiho a ni a. District Bawrhsap, Sangchhin Chinzah chuan Serchhip District chhunga Bank hrang hrangte hmalakna chu lawmawm thawkhat nia a hriat thu sawiin, Bank-a pawisa dahluh a\anga Loan pekchhuah zat, CD Ratio \ha zawk nei tura \an la turin Bank te a chah a, mipuite hnenah Loan tam zawk pe chhuak turin a ngen bawk.
He Meeting-a tarlan a nih danin Serchhip District-ah hian Bank chi hrang 4 awmin Bank Branch 15 a awm a, heng te hi Public Sector Bank Branch 4, Regional Rural Bank Branch 10 leh Co-operative Bank Branch 1 te a ni a. Heng Bank hrang hrangte hian he thla thum chhung hian sum dahluh cheng vbc. 309.05 neiin Loan pekchhuah cheng vbc. 136.58 an nei bawk a, CD Ratio chu 44% a ni. Hemi chhung hian Priority Sector-ah loan cheng vbc. 6.94 pek niin hei hi loan pek zawng zawng a\angin 5.08% a ni a, Agriculture loan cheng vbc. 3 pek niin hei hi loan pek zawng zawng a\angin 2.20% a ni bawk. Hei bakah hian Micro, Small and Medium Enterprises (MSME) hnuaiah Industry leh Business loan pawh cheng vbc. 1.47 pek niin hei hi lian pek a\angin 1.08% a ni bawk.

Comments

Popular posts from this blog

PAN CARD an tih teh fo hi - Laldinpuia