Bru ten hruakir hmain thilphut dang an nei leh

Mizoram Bru Displaced People's Forum (MBDPF) chuan tunhnai khan Tripura Relief Camp parum (6) a\anga Mizorama lokir turin thilphut thar engemawzat an nei a, an thilphutte ngaihtuah tur hian Joint Monitoring Group (JMG) \hutkhawm leh phawt an ngiat.

MBDPF President, A. Sawibunga leh General Secretary, Bruno Msha te lehkha ziah hi tunhnai khan Chief Minister, Zoramthanga hnenah he pawl hruaitute hian Aizawl-ah an hlan a. An thilphutte ngaihtuah tura JMG inkhawm ko tura sawrkar laipui ngen turin Mizoram sawrkar an ngen a, Bru pawl hrang hrang aiawhte an tel kim theihna'n a hmun atan Agartala emaw, Kanchanpur emaw ni se tiin an rawt a, hei hi anmahni hruaikir hna \an hma a neih ni se an ti a ni. An thil ngiat hnuhnung ber ti a an ziahlan rual hian a hma lama an thil ngiat \hinte chu an phut zui tawh lo niin an sawi a. Chutih rualin Mamit District-a an kirna tur atana ruat khaw 14 - Mamit, N. Sabual, Kawrtethawveng, Tuidam, Chhippui, Rengdil, Zawlnuam Vengpui, Suarhliar, Kanhmun, Luangpawl, Saithah, Pukzing, West Phaileng leh Lallen-ah te chuan inbenbelna tur ram duh ang a awm tawhlo ni a sawiin, Lunglei District a Sirtetlang bakah Mamit district a Mualmam, Artepa Lungthirek, Kangzau, Tuilut Zoar leh Hmuitlang-ah te dah zawk turin an phut a ni.
Hruaikir huna an awmna tur leh In sakna tur hmun hi hruaikir an nih hma ngeiin MBDPF hruaitu, chhungkaw hotu ber leh sawrkar official-te'n a hmun ah endik vek phawt se tih te, Bru chhungkua lokir te hi Lunglei, Mamit leh Kolasib District-a an duhna hmuna an inbenbel theihna'n zalenna pek ni se an ti bawk a. Hei bakah hian kumin July ni 3 leh ni 20 inkara Relief Camp hmuna Mizoram sawrkar official-te'n Mizoram mi leh sa dik tak an nih leh nih loh an endik laiin inlan ve ta lo chhungkaw 1,218 te chu a hranpa a endik nawn leh ni se an ti bawk.
Heng bakah hian Relief Camp 6-a awmte chauh ni lo, Nov. 13, 2009-a Bung\huam tleirawl kahhlum a nih avanga Tripura a pemte pawh chhawmdawl tur zinga telh ve turin an phut a. Mizoram official-te'n Mizoram mi nia an pawm theih loh chhungkaw engemaw zat pawh pawm leh turin an ngen bawk a ni.
Home Department hotute chuan tun \uma Bru hruaikir hna thawh vawi 9-na leh a tawpna tura senso atan hian cheng vbc. 350 chuang ruahmanna a siam a, hei hi tun thla ni 6-a Delhi a Joint Monitoring Group \hukhawm chuan a thuphungin a pawm na a, tun thlengin pawisa hi pekchhuah a la ni lova. A hmalama hman bang cheng vbc. 65 bawr vel an la kawl hmangin a theih chin chin bul \an phawt tum a ni.

Comments

Popular posts from this blog

PAN CARD an tih teh fo hi - Laldinpuia