Kei\um leh N. Vanlaiphai inkar kawng thawm\hat duh

Serchhip Sub-Hqrs. YMA chuan Kei\um leh North Vanlaiphai inkar kawngpui chu YMA General Conference hmaa a zualpui  tal siam\hat ni thei se an duh thu an sawi.

Serchhip Sub-Hqrs. YMA hian thla thar Oct. 15 atanga YMA General Conference vawi 72-na thlengtu tur, North Vanlaiphai khua a Pandal sak mek a tul anga puiin Inrinni (Sept. 21, 2019) khan hnatlang neiin mi 30 chuang Serchhip a\angin an thawk a. He huna kal Serchhip Sub-Hqrs. YMA hruaitute chuan he khawmpui lian thleng tura inbuatsaihna kalmek chu tha an tih thu sawiin, National Highway-54, Kei\um a\anga North Vanlaiphai thleng kawngpui erawh a zualpui tal siam\hat hna thawh ni thei se an duh thu an sawi.

He kawngpui hi laihzauh tura ruahman leh sum awmsa tawh nia sawi niin YMA General Conference hmaa a laih hna hi thawh \an a nih ting tang chuan ruahtui tla nen lirthei kal a harsat phah hlauin laihzauh hna hi thawh a ni ta rihlo a. Amaherawh chu YMA hruaitute chuan kawngpui hi laihzauh theih ni rihlo mah se tuna kawng awmsa thawm\hat leh a khuar zualpui hnawhkhah hna tal thawh ni thei se an duh thu an sawi a. Hemi baka North Vanlaiphai khaw-chhung kawng thawm\hat hna PWD in an thawh erawh \ha thawkhata an ngaih thu sawiin, PHE leh P&E Department te pawhin he khawmpui thleng tura chak taka inbuatsaihna an kalpui chu lawmawm an tih thu an sawi bawk.

YMA General Conference neih tura Pandal sak hna hi an khawchhung ah chhiat tawk neuh neuh te an awm avangin ruahman anga thawh chak theih a ni rih lo a, amaherawh chu Pandal Committee hruaitute chuan khawmpui hmain felfai taka an peih hman an beisei thu sawiin, khaw \henawm ten nasa taka an puihna ah lawmthu an sawi a. He khawmpui atana Budget an siam cheng nuai 58 vel pawh an tlin thei dawn nia an hriat thu pawh an sawi bawk.