NEC Plenary Meeting-ah Mizoram Chief Minister in hmarchhak bial harsatna te a sawichhuak

Chief Minister, Zoramthanga chuan hmarchhak State-ah kawng leh In sak (construction work) man a to hma \hin em avangin hmun dangte aiin hmasawnna hna a chak tawk \hin lo tih a sawi a. Hemi ah hian NITI Aayog chuan ngaih-tuahna lo sengin he harsatna sutkian sak turin Union Home Minister chu a ngen.

Ni hnih (2) awh tur North Eastern Council (NEC) Plenary Meeting vawi 68-na chu nimin khan NEC Chairman leh Union Home Minister, Amit Shah-a kaihhruaina hnuaiah Assam Administrative Staff College, Guwahati-a neih \an niin he hunah hian hmarchhak State 8-a Governor leh Chief Minister te chu thu sawi tir niin he hunah hian Chief Minister, Zoramthanga chuan Planning Commission liamta hnuaia din SP. Shukla Committee in North Eastern Council chu North Eastern Development Council tia thlak a, India hmarchhak state-te tana \ha zawka thawk tura dinhmun pawimawh zawk leh chak zawka siam rawtna a lo thlen chu a thlawp thu leh, hemi atan hian ngaihtuahna zau zawk sen nise tiin rawtna a thlen a. 10% Gross Budgetary Support (GBS) leh NLCPR (Non-Lapsable Central Pool of Resources) kalphung chu pawlhdal tial tial nia a lan thu pawh sawiin, heng kalphung hi India hmarchhak state ten an \angkaipui em avangin sawrkar laipuiin tidanglamlo hram se tiin a thlen bawk.
NEC Scheme chungchangah Chief Minister chuan kum 2017-18 a\anga 2019-20 chhung atana hmarchhak state zawng zawngin an hman tura cheng vbc. 4500 chauh dah a ni chu State 8 ah te hmasawnna langtham siam tur chuan duhthu a sam tawkloh thu a thlen a. He pawisa dah hian project kalpui mekte leh leiba rulhna turte chauh huamin, project thar siamna tur a ken telloh avangin hmasawnna thar neih a harsat tur thu a sawi a. Act East Policy chu sawrkar laipuiin ngai pawimawh viau mahse a luhka pawimawh a sawi, India hmar-chhak state zingah he hmalakna avang hian hma-sawnna langsar hmuh tur a tlem thu leh Mizoram mamawh te a tarlang bawk a ni.
NEC Plenary-ah hian North East State a Chief Secretary te leh Planning Secretary te pawh an tel a. Tun \um NEC Meeting-ah hian thu pawimawh tak tak an ngaihtuah tur zingah project kal mek hrang hrang chungchanga hmalakna leh harsatna te, March 2020-a 14th Finance Commission term a ral huna hmalak zel dan tur te a tel a, Vawiin hian chhunzawm leh a ni ang.

Comments

Popular posts from this blog

PAN CARD an tih teh fo hi - Laldinpuia