MNF hi tihpalh thil-a sawrkar a ni - Lal Thanhawla

Mizoram Pradesh Congress Committee (MPCC) President, Lal Thanhawla chuan MNF sawrkar chu tihpalh thila sawrkar ni a sawiin, “Mi tam takte dil loh zawk Pathian in min pe a ni ber” a ti.

Nimin-a Aizawl Congress Bhavan-a MPCC Political Session neih-ah he thu hi sawiin MPCC President, Lal Thanhawla chuan ram rorelna chu hmui ringawt hmanga kalpui chi a ni lo tih sawiin, a taka hnathawh a ngai tih a sawi a. A hun leh hmun pawh ngaihtuah lem lo a duh duh sawi ringawt tan awmze neiin ram a kaihhruai theih loh tih pawh sawiin, “Politics hi dawt leh thudik chanve a kalpui chi a ni lo a, chunglamin thutak a duh a, dikna a duh a, chumi ah chuan din hram hram kan tum tur a ni,” a ti a. Mizoram chuan eiruk thubuai nei lai Chief Minister leh Minister a nei mek tih sawiin, Congress sawrkar liamta a MLA-te zinga eiruk thubuai nei an awm miah lo chu lawmawm a tih thu a sawi bawk.

Lal Thanhawla chuan Congress-in Mizoram tan rotling tam tak a siam tih pawh sawiin, “He ram tan hian malsawmna kan ni nasa khawp mai,” a ti a. MNF sawrkar chu ni \halo atana roreltu an nih lohna turin nasa taka \an an lak a ngai niin a sawi bawk a. Sawrkarin \anpuina a lo pek tawh mi rethei zawkte Bank Account a\anga pawisa hnuh kir sak leh an ni chu Mizoram mipui mak tih a ni tih pawh sawiin, “Sawrkarin \anpuina a pek tawh mi rethei zawkte account a\anga pawisa laklet leh duhnate hi mi nawlpui chuan mak kan ti mai thei; mahse, MNF tih atan chuan a mak lo, an tih awm tak an ti a ni,” a ti bawk.