Serchhip-ah District Bawrhsap hovin National Nutrition Month hawnna neih a ni

Serchhip District-a Rashtriya Poshan Maah (National Nutrition Month) 2019 kalpui tur chu nimin khan Serchhip District Bawrhsap, Sangchhin Chinzah chuan a Pisa-ah a hawng a. Hemi hnu hian Poshan Month hman chhunga hmalak dan tur chi hrang hrang relin \hutkhawm neih nghal a ni.

Serchhip District Bawrhsap Pisa-a Rashtriya Poshan Maah (National Nutrition Month) 2019 hawnna hunah hian District Bawrhsap, Sangchhin Chinzah chuan National Nutrition Month chu National Nutrition Missions (Poshan Abhiyan) hmalakna peng pakhat a nih thu sawiin, Poshan Abhiyan chu India sawrkar Flagship Programme pakhat, naupang te, nu naupai mek te leh hnute hnelai fa nei mek ten eitur \ha an hmuh theihna tura hmalakna a nih thu a sawi a, he Mission hi March 2018 khan hawn a nih tawh thu leh Nutrition Month hman chhunga Action Plan duan te \ha taka kalpui a nih ngei theih nan member te inbuatsaih turin a ngen nghal a. He huna kalkhawmte hian National Nutrition Month thutiam an sawirual nghal bawk.
Hemi hnu a District Level Convergence Committee neih zui nghal niin Serchhip ICDS Project-a CDPO, Lalbiakliana chuan Poshan Maah chu September thla chhunga hman tur a nih thu te, tlema District lama an hawn tlai deuh chhan leh thil pawimawh dangte a sawifiah a. Nutrition Month chhunga Hapta tina tih tur leh hmalak dan tur ruahmanna te pharhin, Committee chuan a ngaihtuah zui a. Nutrition Month hawnna hi nimin ah neih ni chauh mah se hmalakna \henkhat chu tun thla tir a\anga kalpui \an a nih thute a sawi lang bawk a. Hapta tina hmalakna turte hi he Committee-a Member, Department hrang hrangte te nena thawhho tur niin mawhphurhna hrang hrangte siam fel nghal a ni bawk.
District Level Committee hian Block Level a\anga kum 2019-20 chhunga hmalak dan tur Action Plan lo lut pawh thlir nghalin, an ruahmanna te chu pawm sak an ni a, District Level a\anga lo chinfel theih loh, thuneitu sang zawk hnena thlen chi te erawh chu thuneitu sang zawkah thlen an rel a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia