I&PR Officer ten infuih-tharna hun an hmang

Information and Public Relations Department hnuaia Officer-te chuan nimin khan an Director, Lallianpuii hovin a Pisa-ah infuihtharna hun an hmang.

I&PR Officer te infuihtharna hunah hian I&PR Director chuan I&PR Officer-te chu Mizoram hmun hrang hranga post darh an nih avangin chak leh \ha lehzual zawka mipui rawng-bawl hna an thawh theihna turin inhmuhkhawm a, infuihtharna hun hman leh hma an lak dante inhrilhtawnna hun remchang buatsaih chu a pawimawh thu a sawi a. I&PR Department chu mipui leh sawrkar inkara palai hna thawktu, sawrkar thuchhuak puangzartu, sawrkar hma-lakna leh Scheme-te \angkai taka a chhawrtu tur mipuiin an chhawr theih nana zirtira hrilhhriat hna thawktu an nih angin an hnathawh pawimawh zia hriaa \an la lehzual turin Director chuan Officer-te a fuih bawk.

I&PR Officer Meeting-ah hian Directorate leh District hrang hrang a\angin Officer-te an tel a. Kum chanve chhunga I&PR Department hna thawh dan hrang hrangte thlirlet niin chak zawka thawh dan tur sawiho a ni a. District hrang hrang a\anga kal Officer-ten an hmalakna leh hnathawh dan report an pek bakah hmasawn an ngaihna lai nia an hriatte an sawiho bawk a ni.