Tribal te hmasawnna tura pawimawh sawipui

Governor Sub-Group Meeting atana inpuahchahna kal zela nimin khan Governor, Prof. Jagdish Mukhi chuan Social Wefare & Tribal Affairs Department leh Women and Child Development Department hotute chu Aizawl-a Raj Bhavan-ah thil pawimawh a sawipui.
Tun thla chhung hian Delhi-ah Tribal te hmasawnna leh ham\hatna kaihhnawih thilah Chhattisgarh, Odisha, Mizoram, Meghalaya, Assam leh Tripura Governor te chuan Sub-Group Meeting an nei dawn a, hemi inpuah-chahna atan hian Larsap hian Social Wefare & Tribal Affairs Department leh Women and Child Development Department hotute hi Tribal te ham\hatna tur leh hmasawnna tura ruahmanna chungchangah Meeting hi neih a nih thu a sawi a. Social Wefare & Tribal Affairs Department leh Women and Child Development Department official te chu Governor Sub-Group meeting Agenda kaihhnawih thila an hmalakna hrang hrang te zawtin, Official lam te hian PowerPoint Presentation hmangin Mizoram chhunga Tribal te puala hmalakna leh ham\hatna hrang hrangte an tarlang bawk.
Governor Sub-Group Meeting hi neih thuai tur a nih avangin koh telloh, Tribal Affairs kaihhnawiha hmalakna nei Department dang zawng zawng te pawh thu pawimawh an thlen duh te Governor’s Secretariat-ah thlen thuai turin a hriattir nghal bawk a. Tun thla chhunga Tribal mipui awm tamna deuh state Governor te meeting-ah hian 5th Schedule hnuaia inrelbawlna chungchang te, Tribal Avisory Committee Council din chungchang te, Integrated Tribal Development Agency/Modified Area Development Agency (ITDAs/MADA) tihchangtlung chungchang te leh thil pawimawh dangte an sawiho dawn a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia