World Vision in CARE Project kharna an nei

World Vision chuan Mizoram-ah kum 23 chhung zet Centre for AIDS Rehabilitation and Education (CARE) Project an kalpui hnuah nimin khan an Project kharna hun an hmang a, he hun hi Health Minister, Dr. R. Lalthangliana chuan a hmanpui a ni.

Hrangban College Golden Hall-a neih ah hian Health Minister chuan World Vision ten Mizoram-a hma an lakna chu ropui a tih thu leh lawmawm a tih thu sawiin, Mizoram chu ziak leh chhiar tam lamah India ramah a sang pawl kan nih laiin, mipui awm zat a\anga tehin India ramah HIV+ vei tamna ber kan ni thung si chu lungchhiatthlak a tih thu a sawi bawk.

World Vision hian Aizawl-ah in bunin CARE Project hi kum 1996 a\angin an kalpui a, Project hrang hrang pathum hnuaiah HIV+ leh AIDS vei bakah ruihhlo vanga buaite \anpui leh chhawmdawl hna nasa takin an thawk a. Mi-zoram-a an awmchhungin phase thum in hna an thawk a, a hmasa berah CARE Project chu kum 1996 - 2011 khan kalpuiin hemi hun chhung hian Aizawl District chhunga HIV/AIDS veite, Drugs inchiu \hin te leh nawhchizuarte chhanchhuah leh chhawmdawl hna an thawk a. Kum 2012-2016 chhungin CARE Balswasthya Project Aizawl, Kolasib leh Champhai District-ah te an kalpui leh a, kum 2017-2019 chhungin CARE Aizawl Project Aizawl, Kolasib leh Champhai District ah an kalpui a ni.

CARE Aizawl Project hnuaiah hian kum 2018 a\ang khan Aizawl District bik atan Graduation Model Approach an kalpui a, HIV/AIDS leh drugs vanga harsatna tawk mirethei zual chhungkaw 240 thlanchhuah niin eizawnna hrang hrang ranvulh, lumehna dawr, puan\huina etc. bul an \an sak a. He programme in a tum ber chu sum lakluhna mumal neilo mirethei chhungkua ten eizawnna bulfuk tak an neih nana \anpui a ni.