Power renchem inzirtirna nei

Power and Electricity Department a Electrical Inspectorate buatsaihin nimin khan Serchhip District a P&E Department hnuaia thawktute tan Seminar on Energy Conservation and Electrical Safety chu Serchhip-ah neih a ni.

P&E Rest House, Serchhip Bukpui-a he Seminar hi Electrical Inspectorate-a Executive Engineer, Lal-dawngliana chuan kaihruaiin he Programme an buatsaih chhan te a sawi a. India rama power siam-chhuah a tam tawk loh avangin mipuite hnenah rualkhai taka semrual  nih theih nan te, Power siam-chhuah ang ang te \angkai taka hman a nih theih nan leh hman loha luangral mai mai a awm loh nan te hma an lak thu te a sawi.

He hunah hian Serchhip Power Division-a Executive Engineer, Er. M. Lalhmingthanga chuan thu sawiin Mizoram in Power kan siam-chhuah kan la indaihloh avangin kan mamawh phuhruk nan State pawn a\anga lakluh a \ul thu leh hei hi sawrkar in sum tam tak chawi belhin mipuite hnenah a man tlawm zawka a semchhuah thu a sawi a. Hei vang hian power kan neih ang ang renchem taka hman chu thil pawimawh tak a nih thu leh a renchem dan kan inzirtirna te pawh nasa zawka kan zawm a \ul thu a sawi a. Tunah hian Serchhip Power Division hnuaiah consumers 14700 vel an awm thu leh thlakhat ah kawl-phetha unit 154,000 vel kan hman thu a sawi bawk.

He Seminar-ah hian Vansangliana, Project Coordinator leh H. Zonunsanga, CEI te chu Resource Person-ah hman niin Energy Conservation leh Electrical Safety tih thupui ah hmangin kalkhawmte zirtirna an pe a, he hunah hian India rama kawlphetha kan hmuhna tam ber chu Lungalhthei a\angin a nih thu te, Mizo-ram-ah Power kan mamawh san lai berin MW 100 vel a nih thu leh MW 10 vel chauh kan tharchhuah thu te, State pawn a\anga kawlphetha leina atan thlatin cheng vbc. 25 aia tlem lo kan hman \hin thu te, Electric avanga vanduaina pumpelh turin Electric wiring fimkhur a \ul thu te sawilan a ni.