Mizote hi hnam anga kan dinchhuah nan kan \awng leh kan Culture te kan vawnhim a \ul - Dy. Speaker

Assembly Deputy Speaker, Er. Lalrinawma chuan Mizote hi hnam anga kan dinchhuah nan kan \awng leh kan Culture te kan vawnhim a \ul tih a sawi.

Mizo Students Union (MSU) General Hqrs. in a buatsaih 'Ayush MSU Cup Inter College Cultural Competition 2019' hawnna nimin a Ramhlun South YMA Hall-a neih khuallian nia a hmanpuina ah he thu hi sawiin Deputy Speaker chuan Pathian in ram min pe a, hnam min pe a, \awng hrang min pe bawk a, kan vannei hle, a ti a. “|awng dang thiam te hi \ha hle mah se, kan \awng hmuhsit nan emaw, ngaihthah nan emaw, thiamloh nan emaw kan hmang tur a ni lova; kan \awngin a daihloh chin awm \hin mah se, a theih chin chinah kan \awng hi kan hmang uar tur a ni,” a ti a. Mizo kan nihna hi thil \hing sawi nana hman leh mahni hnam hmuhsitna \awngkama hman chu tu pawhin sum thei se a duhawm hle tih sawiin, “Heng kan ram, kan hnam leh kan \awng te vawnghim tur hian theihtawp chhuah ila; kan pianna Mizo-ah hian i kir leh ang u. Chumi tur chuan kan chhehvel hnaivai-a hna thawh theih awmte thawh hreh nei lo ila, kan thawh loh chuan hnamdangin an thawh dawn avangin hei hi inchimralna kawng hnai tak a ni,” a ti bawk.

Assembly Deputy Speaker chuan kan tunlai hla te aiin kan pi leh pute zai leh a thluk ringa hla phuahte hi hnamdangte hian ngaihthlak nuam an ti zawk tih pawh sawiin, “Hnamdang zinga thil tih pawimawhah pawh kan Hnam lam hi entir berah kan neih ta zel a ni. Kan hnam lam leh zaite hi a neitute'n kan ngaihhlut loh chuan hnamdangin min ngaihhlutsak dawn lo. Kan Culture & Tradition a ral hun hun chu Mizo hnam ral hun a ni dawn a, chuvangin kan hnam zai leh lam ngaihhlut hi ram leh hnam chhanna a ni,” a ti bawk.

Ayush MSU Cup Inter College Cultural Competition 2019-ah hian Aizawl chhunga College hrang hrang te chu Cheraw, Chawnglaizawn, Chheihlam, Buhthlei leh Bawh hla Chham hmangin an inel dawn a, Vawiin hian chhunzawm-a zawhfel a ni ang.

Hetihlai hian MSU chuan kumtin a an hman \hin 'ZO HNAM CHHAN NI' chu Vawiin, Sept. 13, 2019 hian MSU dinna hmun hrang hrangah an hmang leh dawn a, Aizawl-ah chuan Vanapa Hall-ah he Ni hi hmangin, Mizote kan hnam-ah kan chian lehzual nan leh Mizo hnam humhalh anih leh theih nana inzirtirna neih a nih dawn bakah Mizo hnam ziarang hrang hrangte phochhuah a ni ang. Hemi Ni hian hnamdang sumdawng awmte chu dawr hawnglo turin an ngen bakah Mizo mipuite pawhin an Mizo pui ngei te dawr turin an ngen bawk.