Khawpui fai inelna ah Serchhip khua enfiah a ni

Mizoram khaw fai inelna neih mekah nimin khan Serchhip khawpui chu rawn enfiah niin Serchhip khawpui chhung hmun hrang hrang enfiah a ni.
India rama khawpui fai inelna neih mekah hian tunlai hian Mizoram-a District Hqrs leh Census Town te chu enfiah mek niin heng endiktute hian nimin khan Serchhip khawpui an rawn endik a, heng endiktute hian nimin zing khan Aizawl a\anga Serchhip hi rawn lutin Serchhip khawpui chhung hmun hrang hrang an enkual hnuah Serchhip-a District Urban Development Officer (DUDO) Office-ah tuk\huan eiin an thil hmuh dan tlangpui an sawi a, Serchhip khawpui chu a fai \ha hle nia an hriat thu an sawi.
Khawpui fai endiktu, Panel of Expert hi Team thum-ah \hen a ni a, team khatnaah hian K. Vanlalsangi, Dy. Director I&PR leh Lal Rin-mawia, Secretary MJA General Hqrs. te awmin anni hian Serchhip hi an rawn enfiah a, Serchhip an enfiah hnu hian North Vanlaiphai enfiah lehin Biate an tlawh leh a, hemi hnu hian Khawhai leh Khawzawl tlawh lehin nizan khan Champhai-ah an riak a, Vawiin-ah Champhai leh Saitual an enfiah leh dawn a, hemi hmalam hian Darlawn khua an enfiah tawh nia thudawn a ni.
Mizoram-a khawpui fai enfiahna hi UD&PA Department hmalakna a neih niin UD&PA Director, Joseph H. Lalramsanga chu Convener niin Jt. Director, Rita Lalnunmawii Pachuau chu Secretary a ni a. Team Team hnihna chuan Lunglei, Lawngtlai, Siaha, Hnahthial, Tlabung leh Thenzawl an endik anga. Team thumna te chuan Mamit leh Kolasib khawpui bakah Sairang, Lengpui, Zawlnuam, Bairabi,Vairengte leh Kawnpui an endik dawn a ni.
District Headquarters leh Census Town faina-a inelna ah hian pakhatna in Rs. 1,00,000/- dawngin pahnihna in Rs. 80,000/- an dawng anga, pathumna in Rs. 40,000/- leh Certificate an dawng dawn bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia