MNF East Block huaihawtin Serchhip-ah Martar Day urhsun taka hman a ni

MNF Party chuan nimin khan Ram leh Hnam tana Nunna hlantute hriatrengna Ni, Martar Day vawi 40-na an hmang a, Serchhip-ah pawh Martar Day hi urhsun taka hmangin Serchhip Bazar-a Martar te Hriatrengna lungphun-ah pangpar dahin Zothantluanga MLA hovin inkhawm neih a ni bawk.

Nimin-a Martar Day pual hian chawhma dar 11:00-ah Serchhip Bazar-a Martar te Hriatrengna Lungphun-ah hun hman hmasak niin he hun hi MNF Serchhip Block-a NCM, Lalhmachhuana chuan a kaihruai a, an Adviser C. Darbiakthanga chuan Hunserh hmanga thu sawiin hemi hnu hian Martar te sunna hun hmangin ngawi rengin minute khat (1) an ding a, sunna hun hman zawh hian MNF Party Block, Group leh Unit hrang hrang ten Martar te zahna Pangpar chu lungphun-ah hian an dah a, PAMRA Serchhip-a Vice President, Lalhmangaihzauva chuan thu a sawi bawk.
Serchhip Bazar-a hun hman zawh hnu hian Serchhip Hmar Veng YMA Hall-ah Martar Day puala inkhawm neih zui leh niin he hun hmanpuitu Zothantluanga (Valtea) MLA chuan Sept. 20 chu kan ram leh Hnam tana Martar te Ni atana MNF in an hman a nih thu a sawi a. Mizoram chu British awpna hnuaia kan awm hnuah Mizote rawn lovin India hnuaiah dah kan nih thu leh barhluih dan hmanga India-a kan awm thu te, chutianga India hnuaia kan awm hnu chuan Indian tura inzirtirna alo awm avang leh kan Nationalism alo tlakhniam zel avang te, kan Hnam, kan sakhua leh kan ram humhalha humhim a nih theih nan te MNF chuan Mizote tan Independence sualin Hnam Sipai te an rammut thu a sawi a. Ram leh hnam chhan tura penchhuak leh nunna hial hlan te chu khawi ramah pawh chawimawi an nih \hin laiin kan ramah erawh chuan politics hai tho khelin, ram leh Hnam tana nunna hlan te chu a chhe zawng leh \hangthar te hmuhsit theih zawnga sawi duh kan la awm chu pawi a tih thu a sawi.
Zothantluanga chuan MNF ten zalenna an sual lai khan Hnam Sipaite chuan zalenna sual chhuah ngei duha an tlin laiin mipui ten rambuai zo lovin remna leh muanna kan duh avangin inremna ziah a ni ta zawk tih pawh sawiin, remna leh muanna duha Hnam Sipaite autu ngei ten Hnam Sipai te dem zawnga thu an sawi leh \hin chu pawi a tih thu a sawi a. Independent ngawt chu Hnam damna a nih loh thu pawh sawiin, kan Hnam alo san a, kan Culture leh Society alo ngheha humhim a nih chu a pawimawh ber tih sawiin, tuna kan dinhmun ah chuan India hnuaiah awm siin humhalh bik kan ni a, hei hi State dang te pawhin an awt hle tih a sawi a. Hei bakah hian kan ram leh Hnam humhalh a nih zel theihna turin khua leh tui te chhinchhiah ramdang mi hnawhchhuah an nih theih nan hmalak mek zel a nih thu a sawi bawk.
Nimin a Serchhip-a Martar Day puala inkhawm MNF East Block Serchhip President, T. Zadingliana chuan kaihruaiin Ex-MNA a\angin R. Thangzauva leh MNF Block Vice President, C. Vanlalsiamthara pawhin MNF ten zalenna suala an rammut dan chanchin an sawi a. He hunah hian MNF party mi leh sa bakah Hnam Sipai la dam engemaw zat an tel bawk a ni.

Comments

Popular posts from this blog

PAN CARD an tih teh fo hi - Laldinpuia