Mercy Hospital an in kalphung leh an harsatna tawh te sawihona hun an buatsaih

Nimin khan Mercy Hospital enkawltute chuan Serchhip khawtlang hruaitute kawmin an kalphung leh harsatna an neih hrang hrangte an sawipui.
Mercy Hospital building-a nimin-a khawtlang hruaitute an kawmna hunah hian he damdawi In-a Managing Director, PC. Lalnunpuia chuan Mercy Hospital chu Mizoram a Private Hospital awm tawh zawng zawng a rate tlawmna ber ni-a a hriat thu sawiin, Serchhip Civil Hospital nen pawh thawhhona \ha tak an neih thu leh Mizoram hmundanga an tih ngailoh, Private Hospital a\anga Civil Hospital a damlo anmahni duhdan ngei a insawnchhuah tir pawh an neih \hin thu a sawi a, damlo inenkawlna man ah pawh Private Hospital danga an tih ngai loh ang takin an theih ang chin chin ah an tihtlawm sak \hin thu a sawi bawk. Damlo inentir te chu admit an ngai anih pawhin anmahni in an duhlo anih chuan an Hospital-a lut kher tura an nawrluih ngailoh thu pawh sawiin, Civil Hospital in Ambulance an neih remchanloh avangin Doctor te ngenna angin damlo phurh nan a man pangngai aia tlawm a an phurh \hin thu leh khawchhunga ruang phurh nan chuan a thlawna an hman tir \hin thu a sawi bawk.
He damdawi In tana mi tlawmngai leh pawl in Poor Fund an pek \hin pawh \angkai taka an hman thu sawiin, an damdawi In-a Docor te pawhin damlo \henkhat chu an chawi tur aia tlem fe te chawitirin, a thlawna enkawl hial te pawh an neih thu a sawi bawk. He damdawi In hi kum khat leh thla 10 hawng tawhin OPD-a inentir mi 4887 awm tawhin damlo 1099 admit an ni tawh a, zai tenau mi 151 leh zaipui mi 148 zai tawhin damlo 63 te chu Poor Fund hmanga enkawl an ni tawh a ni.
He damdawi In enkawltute chuan tunhnaiah an damdawi In kalpui dan chungchang ah thu thang diklo a awm thu pawh sawiin, an kaldan leh Doctor te duty dan-ah hriatchian duh nei te chuan zawhfiah theih reng a nih thu an sawi a. He damdawi In hmang hian Serchhip \halai mi 38 zet te chu eizawnna kawng an siam sak ve tih sawiin, heng an hmalakna hrang hrangah te hian Serchhip khua mai bakah mipuite tan pawh hna thawk \ha ve hle-a an inhriat thu an sawi a. Hun lokal zel turah pawh he damdawi In hi tluang taka a kal a nih chuan Serchhip khua leh a mipuite tana hmasawnna nih zel an beisei thu an sawi bawk. Nimin a he inkawmhona hunah hian Serchhip a thuthar thehdarhtute bakah Serchhip Sub-Hqrs. YMA aiawh te, Serchhip Joint VC aiawhte leh an damdawi In awmna bialtu VC te an tel a, he damdawi In in harsatna an neih te pawh he hunah hian tarlangin, sutkian a nih theih nana hmalak dan tur te pawh an sawiho nghal bawk.

Comments

Popular posts from this blog

PAN CARD an tih teh fo hi - Laldinpuia