LPG Home Delivery Pilot project kalpui tum a ni

Intlar ngai lo a chenna In tina eirawngbawlna Gas bur thlentir tura Supply Department hmalakna chu a enchhin nan leh bul\an nan Aizawl College Veng-ah LPG Home Delivery Pilot project kalpui tum a ni.
Food, Civil Supplies & Consumer Affairs Department Director, Dr. Lalhriatzuali Ralte chuan Zirtawpnin zan-a Aizawl College Veng-a Public Awareness Campaign on LPG Home Delivery an buatsaih ah Collge Veng-a Gas bur Home Delivery tih anih tur thu hi a sawi a, kum 1999 a\ang daih tawha Supply Department in hetiang ruahmanna a lo neih tawh thu leh, chutih rualin Mizoram kalkawng zir loh vang leh LPG mamawh zat supply hmuh theih anih \hin loh vanga kalpui theih a nih loh thu sawiin, tuna a bul\an nana kalpui a ni thei ta chu thil chhinchhiah tlak tak anih thu a sawi.
Ruahmanna ang chuan LPG Home Delivery hi Pilot Project angin College Veng-a LPG consumer thlanchhuahte hnenah tun thla thar, September, 2019 a\angin kalpui tum a ni a, a tahtawlin Veng dangah pawh tih chhunzawm zel tum a ni a, Department chuan Vengtin te \awiawmna an ngen lawk tih an sawi bawk.
LPG Home Delivery ti tur hian Online Booking tih a \ul dawn a, Consumer ten anmahni bialtu LPG Distributor kal chilhin an Book tir thei bawk ang. LPG Online Booking ti thiamlo te tan FCS&CA department chuan video clip a siam a, a \ul angin inzirtirna kalpui mek zel a ni. Hriatchian duh nei tan Indane Toll Free No. 1800-233-3555 ah pawh zawhchian theih a ni bawk ang.

Comments

Popular posts from this blog

PAN CARD an tih teh fo hi - Laldinpuia