Hnathawk turin chhuak dawn

Chief Minister, Zoramthanga chuan, sawr-kar hmasa ah Budget 'a chi-ah' hmang lovin an sem char char nia sawiin, “Tun sawrkarah chuan hnathawk turin kan chhuak dawn.

Lawmrual fehna tur kan duang fel vek tawh,” a ti. Nimin-a Aizawl Mizo Hnam Run-a MNF Chhung Inkhawm-ah MNF President leh Chief Minister, Zoramthanga chuan he thu hi sawiin SEDP keng-kawhtu tur Board 14 duanfel a nih tawh thu leh heng Board duan thar, Minister-te Chairman-na hnuaia mite hian Sector hrang hrangah Project siamin hma an la dawn tih a sawi a, a theih ang angin Chief Minister puihna hnuaiah Budget chu ‘a chi’ (State Matching Share)-ah hmangin hna an thawk dawn tih a sawi a. “Kan Budget hi State Matching Share atana hmangin hma-sawnna hna tak tak thawk turin mahni chan mual \heuh ah Board tin hian theihtawp chhuahin hna an thawk dawn a ni. Chu system chu kan kal dan tur a ni,” a ti.

Chief Minister chuan tunhnaia New Delhi-a a zinna ah Minister \hahnem tak, Secretary engemaw zat leh mi pawimawh tak tak an hmuh thu sawiin, Mizoram sawrkar kal dan turte hrilhin kawng an sial thu a sawi a, Department leh Board tinte Home Work chu project siam a nih thu sawiin, Project siam chur chur sela, a \ul angin an innawrpui tur thu a sawi bawk.

Bamboo Project an ruahman chu ralkhat ah nasa taka tawng a nih thu pawh sawiin Chief Minister chuan, “Ka sawi chian duh chu, Kuhva, Sangha chi leh thil dang dangah sawrkarin a chi kui emaw, a chi siam lamah hma kan la ngai lo ang bawk hian, sawrkar-in kha lama kha buaipui chiam kan tum lo. A rate awm tawk siamin mau leh rua \iak hi phun nun theih awm tawk an nih hunah mimal kut a\angin kan lei mai dawn a ni,” tiin uluk taka buaipui a \ul avangin hnawh sarum taka tih zung zung chi a nilo tih a sawi bawk.