Phone Bill tihniam turin ngen

Nimin khan Serchhip |halai Pawl leh Ser-chhip-a BSNL a\anga inbiakpawhna hmangtu mi \henkhat te chuan BSNL hotute Office hmu-in, tunhnaiah hun rei tak BSNL hman theihloha a awm avangin an Bill chawi tur tihhniam sak turin an ngen.
Nimin-a BSNL Office-a kal S|P leh BSNL Customer te chuan tunhnaiah Serchhip AOC Veng-a BSNL linepui chhia avanga ni 17 (Sept. 7-24) chhung ngawt mai Serchhip chhim lama BSNL customer tam takin Landline leh Broadband an hman theihloh thu sawiin, hemi chhunga an bill chawi tur chu tihhniamsak turin an ngen a. BSNL hotute chuan S|P hruaitute hnenah hian BSNL line chhia chu pawi an tih thu lo hrilhin, tunah hian Fibre \ha zawk phum a nih thu an lo hrilh a, October thla tawp a\ang chuan Internet pawh a speed chak zawka pek an tum thu sawiin, internet chaklo complaint \hin pawh a bo tawh tur thu an lo sawi.
Serchhip |halai Pawl te chuan Internet a chak loh mai piah lamah ni 17 chhung line hman theih loha a awm avang hian hemi chhung hi Telephone/Broadband bill a tihhniam sak tura ngenin, BSNL lam chuan Internet/Landline Phone hmang theilo te chu an phone No. list an neih theih chuan an bill tihhniam sak an nih tur thu-in an lo chhâng a, S|P chuan a list submit an inhuam thu sawiin, September ni 7 – 24 inkara BSNL line chhiat avanga Post Paid Internet emaw, Landline Phone emaw hmang theilo zawng zawngte chu an Phone No. leh Customer hming Vawiin-ah report vek turin an ngen nghal bawk a ni.

Comments

Popular posts from this blog

PAN CARD an tih teh fo hi - Laldinpuia