Mahni thawh lo-ah lar tum lo turin MPYCC in chah

Mizoram Pradesh Youth Congress Committee (MPYCC) chuan Sports Minister, Robert Romawia Royte chu ama thawh loh puiah lar tum tawhlo tura an duh thu an sawi.
Nimin-a thuchhuah an siamah MPYCC chuan Sports Department changtu Minister of State, Robert Romawia Royte hian September ni 2, 2019 khan MNF Hnam Run-ah thu sawiin, District thar pahnih khawpui Hnahthial leh Saitual khelmuala phullem phah a nih turah Congress sawrkar kalta khan engmah tih a nei lo tiin a sawi nia tarlangin, Saitual leh Hnahthial khelmual-ah hian phullem phah turin Congress sawrkar kalta hun lai khan NEC a\angin pawisa sanction hmuh fel vek a nih thu leh Saitual tan July 28, 2017-ah leh Hnah-thial tan August 4, 2017-ah sanction in Work Order pawh November 1, 2018-ah pein hna pawh thawh mek a ni tih an sawi.
Hei bakah hian Sports Minister hian Khawzawl-a playground siam nan Congress sawrkar kalta chu engmah tih neilo ah leh, tun sawrkarah ama hmalakna in cheng nuai 700 lai Mizoram Budget a\angin playground siamna atan dah a nih pawh a sawi nia MPYCC thu-chhuah chuan tarlangin, “Ama chan department ni lo leh ama thawh ni lo larpui tuma hmalak ching Robert Romawia hian Khawzawl Playground siamna cheng nuai 700 hi Congress sawrkar laia UD&PA Department hnuaia thawh tura tihfel a ni tih lo hria se. Tunah hian UD&PA changtu Dy. Chief Minister Pu Tawnluia hian a bial tana a hmalakna avang liau liaua Playground khi nei tur an ni,” an ti a. Sawrkar laipui dawra New Delhi lama a kalin Minister of State Robert Romawia Royte hian UD&PA Department hnuaia hmalakna tur a changtu Dy. Chief Minister-in a lo tih-chhuah sa hi ama tihchhuah angin Press Conference hial ah te a sawi chhuak fo niin an tarlang bawk.

Comments

Popular posts from this blog

PAN CARD an tih teh fo hi - Laldinpuia