YMA General Conferene atan inbuatsaih mek zel

Thla thar-a North Vanlaiphai-a YMA General Conference neihna tur Pandal Structure sak hna chu Vawiin hian zawhfel beisei niin naktuk a\angin khawtlang huap hnatlang neia chhunzawm a ni ang.

YMA General Conference vawi 72-na hi October 15 a\anga 17 chhung khian Serchhip Sub-Hqrs. YMA huamchhunga North Vanlaiphai khua ah neih a ni dawn a, he Conference neihna tur Pandal sak hna hi August 20, 2019 a\ang khan thawh \an niin Pandal hi N. Vanlaiphai Playground, Rawlkhang-ah sak a ni a, Pandal Structure awmsa sak hna hi Aizawl lam mi, X Deco Enterprise ten contract in an thawk a, tunah hian tluang taka sak mek zel niin a tirah September 7-a Pandal Structure sak hna hi zawhfel tum ni mah se Vawiin hian zawhfel theih beisei a ni a, naktuk-ah khawtlang huap hntlang neih zui nghal a ni ang.

Tarlan tawh angin YMA General Conference neihna tur atan hian Central YMA Pandal Structure awmsa chu hman niin Structure len zawng hi a dung ft. 150 leh a vâng ft. 120 niin hei bakah hian a dung lamah a tluanin ft. 20-a zau zar belh tum a ni a, hemi nen hian Pandal pumpui zau zawng chu a dung ft. 170 leh a vâng ft. 120 a ni a. Naktuk a\ang hian Pandal cheimawi hna bakah Office leh dawr hrang hrang tur sak hna thawh a ni dawn a, he hunah hian Serchhip Sub-Hqrs. YMA pawhin Serchhip a\angin a thei apiang thawk turin hnatlang a ko bawk.