Latest News

Mizoram Lok Sabha MP a dinna ngaiah a la ding

Mizoram Lok Sabha MP, C. Lalrosanga chuan Inthlan campaign laia a sawi \hin, ‘Mizoram tana thil \halo chu ka do zel ang’ a tih chu a dinna a la ni reng tih a sawi.
Nimin a Aizawl Mizo Hnam Run-a MNF Chhung Inkhawm ah Lok Sabha MP, C. Lalrosanga hian thu sawiin May ni 23, 2019-a MP inthlan result puan a\ang khan MP a nih ve \an tak thu leh Parliament Session nei nghal char charin chu chuan thla 3 lai a awh nghal tih a sawi a. Parliament-ah BJP lam an tam thaminan hneh thu leh an Bill putluh, an duhloh deuh pawh an pass hnan zel tih sawiin, amaherawh chu Mizoram tana thil \halo tur chu a awm lemloh thu leh an pawm zawng erawh an pass pui ve thu a sawi a. A dil hauh loh, Parliament-ah Coal & Steel Commitee-ah dah ve a nih thu pawh a sawi bawk.
C. Lalrosanga chuan Parliament-a thu sawi turin Speaker hnenah notice pek hmasak a ngai tih pawh sawiin, vawi thum lai a pe chungin thusawi tur chuh an tam em avangin hun an pe ve ta lo tih a sawi a. “Ka sawi tum ber chu J&K chungchang sawiah, 'Article 370 in hlih si chuan, keini Mizoram leh North East-ah Article 371 hi in khawih lo ang tih min tiam rawh u' tih a ni a. Mahse, Union Home Minister meuhin Article 371 hi chu North East tan a hlauhawm dawn lo tih Parliament-ah patling meuhin khawvel hriatah a puang a, heti chunga Zoram lamah hlauthawng tak an lo la awm tlat hi chu a mak deuh,” a ti bawk.
Tunhnaia NEDA Meeting-ah Chief Minister, Zoramthanga \awiawma a tel ve thu pawh sawiin Mizoram Lok Sabha MP chuan, “Home Minister chuan Article 371 an khawih dawn lo tih chu a sawi nawn leh a. Khami \uma kan Pu Zoramthanga'n CAB chungchang a sawi kha, a sawi \hain a sawi huai berin ka hria. CAB chungchang hi in ti leh dawn a nih pawhin Mizoram leh North East chu inhuamtir reng reng tur a ni lo a tih khan, Pu Modi leh Central lam hotute pawhin engmah an sawi ngam lo. North East CM-te pawhin kan pu hi an chhuan ber leh an pu en tih a lang. Kei pawhin June ni 16 meeting-ah khan Mizoram, Meghalaya leh Nagaland-te chuan CAB hi kan duh lo hulhual a, in pulut leh dawn a nih pawhin min rawn hmasa rawh u. MP inthlanah khan CAB sawi\haih avangin ka vote hmuh tur zat ka hmu pha lo, ka ti a. Inthlan campaign laia ka sawi \hin Mizoram tana thil \halo reng reng chu ka dinna a la ni reng ang ka tih kha, ka dinna a la ni reng,” a ti.
North East MP Forum an din thu pawh C. Lalrosanga chuan sawiin, “Kan hruaitu ber pakhat chu BJP-ah lutin a MP nihna a bansan daih a. Mahse, Parliament-ah Office neih ve kan dilna chu Speaker-in min phalsak mai ka ring,” tiin Mizoram tana hma a lakna \henkhat te pawh he hunah hian a sawi bawk.

Comments

Popular News (Last 30 Days)