Health Minister in Lengpui Airport-a MI Room a tlawh

Health & Family Welfare Minister Dr. R. Lalthangliana chuan nimin khan Lengpui Airport-a MI Room chu tlawhin an mamawh hrang hrangte a enfiah.
Health Minister hian Sept. 14 a\ang khan Mizoram pawn tlawhin nimin khan Lengpui hi a rawn thleng leh a, Lengpui Airport a rawn thlen rual hian Terminal MI Room chu tlawhin, he hmuna mamawh hrang hrangte chu a enfiah nghal a, Aviation lam hmalakna bakah Health Department-in a tih tur \ul awm ang angte a enfiah bawk a. Toilet chu hnamdangte hmuha Zoram hmel lanna anih avangin mawi tak, felfai leh thianghlim taka cheibawl a \ul thu te, a rang thei ang berin mithiam, Architect leh Designer hruaia hmalak a nih tur thu a sawi a. Thawktuten mamawh an lo thlen, Aero bridge-ah ruahmanna \ha tak neih anih tur thu leh damlo harsate tan Terminal-ah direct-a awlsam taka luh zung zung theihna tur te, MI Room-ah Man Power lama indaihlohna chu ngaihtuahsak thuai a nih tur thu a sawi bawk.
He hunah hian Lengpui khawtlang hruai-tute chuan an khuaa Community Health Centre (CHC) chu mipui a enkawl zat avangin Central in PHC-ah a rawn enkawl tak chu sawiin, he CHC enkawltute chuan Mizoram sawrkar Health Department chuan CHC anga a enkawl thu an sawi a. Hei bakah hian Quarters sakna atana sum hmuhna tur zawn a nih tur thu Health Minister chuan a sawi bawk.
Health Minister hi tun thla ni 14 khan Regional Institute of Medical Science (RIMS) Board of Governors, Meeting vawi 13-na, RIMS Imphal-a neih ah telin Manipur-a Mizo pawl hrang hrangte inkhaikhawmna, Mizo People Convention-a OB-te leh Manipur Group YMA te intawhkhawmna a telpui a. Hemi hnuin Guwahati-a sawrkar Empanelled Hospital 7-te a tlawh leh bawk a ni.

Comments

Popular posts from this blog

PAN CARD an tih teh fo hi - Laldinpuia