Sum haichhuak turin Step 3 a ngai - H. Rammawi

State Planning Board Vice Chairman, H. Rammawi chuan sawrkar laipui sum haichhuak turin Step 3-a hmalak a ngai tawh nia sawiin, Chief Minister in 'vawdup' tih \awngkam a hmang chuan a sawifiah \hain a hmang thiam hle tih a sawi.
Nimin-a Aizawl Mizo Hnam Run-a MNF Chhung Inkhawm ah State Planning Board Vice Chairman, H. Rammawi chuan thu sawiin kar hnih chhung thanga Chief Minister, Zoram-thanga'n sawrkar laipui Ministry hrang hrang leh mi pawimawh dang a dawrna ah a zui tluan zak tih sawiin, “Pu Narendra Modi-a sawrkarin Plan leh Non-Plan a tibo tawh a, Finance Commission aiah Niti Aayog tih hming hmangin a kalpui tak hnuah hi chuan a tihdan phung pawh a danglam zo vek tawh a, sawrkar laipui-a Ministry hrang hrang a\anga sum dil chhuak tur chuan dil hmasak phawt a, chu chu Concept Paper-in a zui a ngai a, chu chu an lo pawm a nih chuan Detail Project-in a zui leh a ngai a, DPR hi an lo pawm hunah sum kan hmu dawn chauh a ni,” a ti.
H. Rammawi chuan sawrkar laipui sum haichhuak tur hian step 3-a hmalak a ngai tawh tih sawiin, “Chief Minister-in 'vawdup' tih \awng-kam a hmang khan a sawifiah \ha ka ti a, a hman pawh a hmang thiam ka ti. A chhan chu a step khatna chauh a la ni a, Chief Minister-in a zu dawr te reng rengin 'rawn ti rawh u, kan lo ti ang' an lo ti vek a, kan chhunzawm zel dawn a, kan hlawhtlin \euh pawh a rinawm hle a ni,” a ti a. Mi \henkhat ten sum hawn nghal mai tur anga an lo beisei laia a hawn tak loh avanga hlawh-chham anga an ngai chu an hriatchian loh vang a nih thu a sawi a. Chief Minister thusawi chu Union Minister ten an lo ngai pawimawh hle \hin tih sawiin, “Kan sawrkar chhung hian Zoram hmel hi a danglam hle dawn a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia