Serchhip District chhunga Polling Station siam \hat ngaite chungchang sawihona neih a ni

Nimin khan Serchhip-ah Serchhip District Level Standing Committee on Special Summary Revision of Electoral Roll, 2019 chu an Chairman Serchhip District Bawrhsap, Sangchhin Chinzah hovin a Pisa-ah an \hukhawm a. Special Summary Revision neih Polling Station thar siam dilna leh Polling Station Building thlak dilna te an ngaihtuah.

He \hutkhawm ah hian District Election Officer ni bawk, Sangchhin Chinzah chuan inthlang ram kan nih angin mipuiten kokim taka ram hruaitute kan thlan theih nan Election Commission of India lamin nasa takin hma an la a. Vote thlaka kan kalna ber Polling Station neih dan phung pawh mumal leh chipchiar takin dan a neih thu leh chu a dan ruahman ang leh vote thlaktu mipuite mamawh ang zia zelin Polling Station siam thar te, Polling Station building thlak (sawn) te tih theih a ni tih a tarlang a. Dilna te endika, a hmuna endikna neih leh vek a nih hnuah District Level Standing Committee in a pawm sak theih chuan thuneitu sang zawkah thehluh \hin a nih thu sawiin, Polling Station siam thar leh tihdanglam dan tlangpui a sawi bawk.
He hunah hian Election Officer, Vanlalhmachhuana chuan Serchhip District chhung Assembly Constituency pathum (3)-a Polling Station tih danglam ngai, verification an laka an dinhmun an zirchian hrang hrangte a sawifiah a; 26- Serchhip A/C chhungah, Thenzawl khaw huamchhung bikah Polling Station paruk (6) awmsa bakah a thar pali (4) siam belh niin avaiin Polling Station sawm (10) awm tawh tura ruahman a ni a. New Serchhip-III P/S atana IOC Primary School hman \hin chu PCR H/S-ah sawn tawh tur a ni ang a, Buangpui-a Polling Station atana Govt. P/S building hman \hin chu Govt. M/S-ah sawn a ni ang.
27-Tuikum AC huamchhungah Baktawng-II leh III Polling Station tia sawi \hin chu 27/7 Chhuanthar Tlangnuam-I leh 27/8 Chhuanthar Tlangnuam-II tia thlak tawh tur a ni anga. 27/29 Thinglian Polling Station chu Govt. M/S building-ah sawn a ni bawk
28-Hrangturzo A/C huamchhungah 28/1 Hriangtlang Polling Station atana Govt. P/S building ni \hin chu Govt. Hriangtlang M/S building-ah sawn tur a ni a, 28/3 leh 28/4 Biate-a Polling Station-I leh II in Zialung Community Hall an in\awm \hin pawh 28/4 Biate-II zawk hi Govt. P/S building-ah sawn a ni a, 28/5 Piler Polling Station atana Govt. Piler P/S hman \hin pawh Govt. M/S building ah sawn a ni bawk ang.
Heng Polling Station thar leh a hlui sawn ngai dilna lut, verification lak vek tawhte hi Party hrang hrangten hming ziaka pawmpuiin thuneitu sang-ah thlen leh a ni ang.

Comments

Popular posts from this blog

PAN CARD an tih teh fo hi - Laldinpuia