Serchhip Teachers’ Association Assembly neih a ni

Serchhip Teachers’ Association (STA) chuan nimin khan Assembly neiin an pawl hruaitu tur thlanna an nei.

Serchhip-a Zirtirtute intelkhawmna, Serchhip Teachers’ Association (STA) Assembly hi BNRGSK Hall, Serchhip P&E Veng-ah neih niin he hun hi an President, Kawl\huama chuan a kaihruai a, khuallian nia he hun hmanpuitu Serchhip Addl. DC leh Serchhip Officers’ Club President, Chuauhnuna chuan zir-tirtu kalkhawmte an hna ah theihtawp chhuaha \an la zel tura fuihin, kan khawtlang nunah zirtirtute pawimawhzia te, zirlaite nunah zirtirtute ropui zia leh zahawm zia te sawiin he huna kalkhawmte chu a fuih bawk.

Nimin-a STA Assembly-ah hian an Secretary, Samuel Sai\huamliana hnen a\angin report ngaihthlak a nih bakah chawhnu lamah hruaitu thlanna neih nghal a ni a, President-ah Kawl\huama, Govt. PCR H/S; Vice President-ah F. Lalhmunsiama, Govt. Model M/S; Secretary-ah T. Lalhmingliana, Govt Chanmari M/S; Asst. Secretary-ah Zonunsiama Sailo, Govt. HSS Ser-chhip; Treasurer-ah Lalramngaii Sailo, Govt. Hmar Veng P/S leh Fin. Secretary-ah Lalduhlaii, Brilliant HSS te thlan an ni.

Serchhip Teachers’ Association (STA) hi September ni 5, 1973 khan din niin Serchhip khawpui chhunga zirna In zawng zawng, Primary School a\anga College thlenga Zirtirtute tel theihna pawl a ni a. Kumin hian zirna In 24 leh Education Department hnuaia Pisa 4- DEO, SDEO, SSA leh BRC-a thawk mek Zirtirtute nen member 178 an awm mek a ni.