Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Zotlang Sports Stadium-a intlansiakna hman theihloh

Ministry of Urban Development & Poverty Alliviation (UD&PA) sum cheng vbc. 20.33 chuang seng a National Building Construction Company (NBCC) kaltlanga Balajee Developer Pvt. Ltd New Delhi-ten Champhai Zotlang Sports Stadium an siam, Football Ground hualchhuaka Intlansiakna, Synthetic 8 Line Track chu hmun hrang hrangah a rawn puar chhuak a, hman theih a ni rih lo.
He Sports Stadium-a Intlansiakna (Synthetic 8 Line track) Meter 800 a thui, hmun hrang hranga lo puar chhuak ta hi a chhan chiah hriat a ni lova. Sik leh sa inthlak danglamah hnuailam leilung che-in a rawn tawnpuar ni a an hriat thu khawtlang mipuiten an sawi. Synthetic Coat hi a inchar \hat tawh loh vangin a hnuailam nena inkarah boruakin a hampuar a. A siam hunlaia thawktute uluk tawk loh vanga lo puar chhuak ta nia rin a ni.

Comments

Popular News (Last 30 Days)