Supply Minister in hawng

Supply Minister, K. Lalrinliana chuan nimin khan Aizawl Zonuam Veng Retailer-I Fair Price Shop (FPS)-ah Mizoram chhunga a hmasa ber ni turin Electronic Point Of Sale (ePoS) khawl hmanga ration lak theihna a hawng a.

He khawl bun in a tum ber chu a dawng tur dik takin a chanpual (quota) dik tak, a hun taka,kim taka a dawn theihna a ni a. Mipui chanpual Ration buhfai (leh state dangah chuan wheat, dal etc.) te a nihna tur ni lo-a bothlau tur venna a ni bawk. He hunah hian Supply Minister chuan Retailer zawng zawng ten ePoS khawl an hman chhoh vek tur thu sawiin, mipui ten quota khul nan an kutzungthla (finger print) chuanna an Aadhaar Card leh an ration card te an thlun zawm vek a ngai tawh dawn tih a sawi a. Tun dinhmunah Mizoram pumah Ration dawr 1270 awm mekin heng dawr zawng zawngah te pawh hian FPS Automation hi kalpui vek tum a nih thu leh tun thla chhung hian Aizawl khawpui chhunga Ration dawr 149 ah install zawh hman tum a nih thu a sawi bawk.